Трамп пасмяяўся з Лукашэнкі

Год пачаўся бадзёра.

Кіраўнік Беларусі апошнім часам спрабаваў пазіцыянаваць сябе як «пазаштатнага дарадцу» прэзідэнта ЗША. З Венесуэлай выйшла не вельмі.

«Абсалютна перакананы, што ўсе пытанні, усе пажаданні Злучаных Штатаў Амерыкі можна сёння вырашыць абсалютна мірным шляхам», – заяўляў Аляксандр Лукашэнка ў першай палове снежня.

У інтэрв'ю Newsmax ён таксама сказаў: «Вайна ні да чаго не прывядзе. Учора я [спецыяльнаму пасланніку прэзідэнта ЗША] Джону Коўлу пра гэта гаварыў. Я яму сказаў, гэта будзе другі В'етнам. Ён вам патрэбны? Не патрэбны. Таму не трэба там ваяваць. Там можна дамовіцца».

Падсумаваў Лукашэнка так: «Думаю, што ў найбліжэйшы час нам удасца на гэтую тэму пагаварыць з Дональдам Трампам. Я яму шмат чаго цікавага скажу».

Аднак амерыканскі прэзідэнт не стаў выслухоўваць «казкі мінскага лесу». Трамп аддаў загад, і 2 студзеня войскі ЗША нанеслі ўдары па вайсковых аб'ектах Венесуэлы, кіраўніцтва якой Белы дом абвінавачвае ў арганізацыі наркатрафіку.

Пакуль рана рабіць высновы, чым скончыцца гэтая гісторыя. Можна толькі канстатаваць, што год пачаўся бадзёра.

І пытанне «на закуску»: застанецца Лукашэнка «трампістам» пасля ўдараў па сяброўскай яму Венесуэле ці адрачэцца ад нядаўняга куміра?

Васіль Верас, «Салідарнасць»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com