«ЗША могуць зрынуць дыктатара ў любой кропцы свету»

Патрэбная толькі палітычная воля.

Пра гэта сайту Charter97.org паведаміў украінскі ваенна-палітычны аглядальнік групы «Інфармацыйны супраціў» Аляксандр Каваленка, каментуючы аперацыю ЗША па захопе венесуэльскага дыктатара Нікаласа Мадуры:

— Усё адбылося даволі хутка, як мы бачым. Падрыхтоўка з боку Злучаных Штатаў заняла некалькі месяцаў.

Зрынанне Нікаласа Мадуры павінна было адбывацца не толькі праз ваенную аперацыю, але і пры садзейнічанні ўнутраных агентурных сетак, якія актывізаваліся на працягу ўсяго гэтага часу.

Усім было цудоўна зразумела, што ваенная аперацыя супраць Венесуэлы адбудзецца. Але ў якім менавіта фармаце? У такім, што будуць задзейнічаныя не толькі Узброеныя сілы Злучаных Штатаў, але і ўнутраны пратэстны элемент. А ў Венесуэле, як вядома, пратэстны элемент быў каталізаваны ўжо даўно, некалькі гадоў таму.

Пра што гэта сведчыць? Венесуэла — яскравы прыклад таго, што Злучаныя Штаты, калі ёсць такое жаданне, могуць падрыхтаваць аперацыю па зрынанні дыктатара ў любой кропцы свету — Ірак, Венесуэла, гэта можа быць якая заўгодна іншая краіна. Галоўнае — жаданне і рашучасць. Але пакуль Злучаныя Штаты кіруюцца выключна сваімі асабістымі планамі, поглядамі Дональда Трампа.

І Венесуэла патрэбная Злучаным Штатам не толькі як дэмакратычная краіна, але і як краіна, якая забяспечвала б іх нафтапрадуктамі. Магчыма, хтосьці не ведае, але ў Каракаса найбольшыя запасы нафты ў свеце.

Злучаныя Штаты, маючы кантроль над гэтымі рэсурсамі, будуць мець магчымасць выціскаць іншых канкурэнтаў з рынку. Для іх гэта вельмі важная задача. Таму мы можам сказаць, што ў Венесуэле была праведзеная спецыяльная ваенная аперацыя, якая заняла менш за 24 гадзіны.

— Што далей чакае Венесуэлу?

— Змена ўлады, прыход апазіцыйнага лідара. Сур'ёзнага супраціву не будзе.

Магчыма, будуць пэўныя ачагі супраціву прыхільнікаў Мадуры, але, думаю, гэта будзе нешта на ўзроўні лакальных партызанскіх сутычак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com