Мадуру і ягонай жонцы прад’яўлены абвінавачанні ў ЗША

Абвінавачанне выстаўлена Паўднёвым акругам Нью-Ёрка.

Супраць венесуэльскага дыктатара Нікаласа Мадуры і ягонай жонкі, Сіліі Флорэс, выстаўлены афіцыйныя абвінавачанні. Ім абодвум інкрымінуюць змову з мэтай наркатэрарызму.

Пра гэта паведаміла генпракурор ЗША Памэла Бонді. Абвінавачанне вынес Паўднёвы акруг Нью-Ёрка.

«Нікаласу Мадуру і ягонай жонцы Сіліі Флорэс былі прад’яўлены абвінавачанні ў Паўднёвым акругу Нью-Ёрка. Нікаласу Мадуру прад’яўлены абвінавачанні ў наркатэрарызме, змове з мэтай увозу кокаіну, захоўванні зброі і выбуховых прылад, а таксама ў змове з мэтай завалодання зброяй і выбуховымі прыладамі супраць ЗША.

Хутка яны сутыкнуцца з усёй моцай гневу амерыканскага правасуддзя на амерыканскай зямлі ў амерыканскіх судах. Ад імя Міністэрства юстыцыі ЗША я хацела б падзякаваць прэзідэнту Трампу за тое, што ён меў мужнасць патрабаваць прыцягнення да адказнасці [Мадуры], і вялікі дзякуй нашым адважным вайскоўцам, якія правялі неверагодную і вельмі паспяховую місію па затрыманні гэтых двух меркаваных міжнародных наркатаргоўцаў», — заявіла генпракурор ЗША Памэла Бонді.

Нагадаем, сёння, 3 студзеня, Злучаныя Штаты Амерыкі нанеслі шэраг удараў па сталіцы Венесуэлы — Каракасе. У горадзе гучалі выбухі.

Пазней прэзідэнт ЗША Дональд Трамп пацвердзіў, што ЗША паспяхова правялі буйнамаштабную аперацыю супраць Венесуэлы. Прэзідэнт Нікалас Мадура разам са сваёй жонкай быў затрыманы і вывезены з краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com