Хто можа ўзначаліць Венесуэлу пасля Мадуры: Макрон агучыў сваю версію

Пераходны перыяд павінен быць паважлівым да волі венесуэльскага народа.

Прэзідэнтам Венесуэлы можа стаць Эдмунда Гансалес, які ў 2024 годзе, паводле падлікаў апазіцыйных сіл, перамог на прэзідэнцкіх выбарах.

Пра гэта паведаміў прэзідэнт Францыі Эмануэль Макрон у сацсетцы Х.

Макрон лічыць, што новым лідарам Венесуэлы можа стаць апазіцыянер Эдмунда Гансалес.

На думку прэзідэнта Францыі, перыяд пераходу, які пачынаецца павінен быць мірным, дэмакратычным і паважлівым да волі венесуэльскага народа.

«Мы спадзяёмся, што прэзідэнт Эдмунда Гансалес Урруцыя, абраны ў 2024 годзе, зможа забяспечыць гэты пераход як мага хутчэй. Цяпер я вяду перамовы з нашымі партнёрамі ў рэгіёне», — напісаў ён.

Макрон дадаў, што Францыя поўнасцю мабілізаваная і пільная, у прыватнасці, каб гарантаваць бяспеку сваіх грамадзян у гэтыя гадзіны няпэўнасці.

Пазней Эмануэль Макрон напісаў у сацсетцы Х яшчэ адно паведамленне, дзе адзначыў, што размаўляў з прадстаўніцай апазіцыі Марыяй Карынай Мачада і цалкам падтрымаў яе заклік да вызвалення і абароны палітычных зняволеных рэжыму Нікаласа Мадуры.

«Як і ўсе венесуэльцы, яна можа разлічваць на падтрымку Францыі ў адстойванні мірнага, дэмакратычнага пераходу, які поўнасцю паважае суверэнную волю венесуэльскага народа», — адзначыў ён.

Венесуэльская апазіцыя лічыць законным прэзідэнтам краіны палітыка Эдмунда Гансалеса, які знаходзіцца ў выгнанні.

Нагадаем, у ноч з 2 на 3 студзеня Злучаныя Штаты нанеслі серыі удараў па сталіцы Венесуэлы — Каракасе. У розных раёнах горада былі чутныя выбухі. Мэтамі для ўдараў сталі дзяржаўныя будынкі і вайсковыя базы Венесуэлы.

Пазней прэзідэнт ЗША Дональд Трамп пацвердзіў правядзенне маштабнай аперацыі супраць Венесуэлы, заявіўшы пра яе паспяховае завяршэнне. Паводле яго слоў, дыктатар Венесуэлы Нікалас Мадура разам з жонкай быў затрыманы і вывезены з краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com