«Сяргей, з Калядамі»: Рубіо насмешліва адказаў на абурэнне Лаўрова з-за захопу Мадура

Меркаванне Крамля з гэтай нагоды Белы дом не хвалюе.

Дзяржсакратар ЗША Марка Рубіо публічна адказаў Маскве на яе абурэнне з нагоды арышту дыктатара Венесуэлы Нікаласа Мадура. Ён даў зразумець, што меркаванне Крамля з гэтай нагоды Белы дом не хвалюе.

Адказ быў апублікаваны Дзярждэпам ЗША. Рубіо даў зразумець, што Масква, якая ўвязалася ў вайну супраць Украіны, сёння не здольная ні на што, апроч слоў.

«Нас не хвалюе эскалацыя канфлікту з Расіяй з-за Венесуэлы. Мы і думалі, што яны акажуць рыторычную падтрымку рэжыму Мадура. Думаю, у іх і без таго спраў па горла ва Украіне. І калі Лаўроў глядзіць, Сяргей, з Калядамі. Урэшце, я і чакаў менавіта таго, што яны сказалі. Рытарыка, якую мы пачулі, (…) не з’яўляецца фактарам, які ўплывае на наша разуменне ўсяго, што адбываецца», — сказаў дзяржсакратар ЗША.

Такія пагардлівыя словы з вуснаў Рубіо, найхутчэй, даволі балюча ўспрынялі ў Крамлі.

У ноч на 3 студзеня Злучаныя Штаты правялі дзёрзкую ваенную аперацыю ў Венесуэле, падчас якой быў затрыманы дыктатар Нікалас Мадура. Спецназ ЗША ўжо вывез яго на амерыканскую зямлю, дзе яго неўзабаве будуць судзіць па абвінавачанні ў наркатэрарызме.

Масква, рэагуючы на захоп свайго ключавога саюзніка, абвінаваціла ЗША ў «узброенай агрэсіі». МЗС Расіі выказаў «глыбокую заклапочанасць і асуджэнне», запатрабаваўшы вызваліць Мадура.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com