ЗША вывезлі Мадура на «плаўучай крэпасці»

USS Iwo Jima аснашчаны шматузроўневай сістэмай узбраення і СПА.

Дыктатар Венесуэлы Нікалас Мадура быў дастаўлены ў ЗША на ваенным караблі водазмяшчэннем 40 тысяч тон. Мадура і яго жонка Сілія Флорэс былі затрыманыя ў Каракасе, пасля чаго верталётам былі перапраўленыя на дэсантны карабель ВМС ЗША USS Iwo Jima, а затым — у Злучаныя Штаты, піша Interesting Engineering (пераклад — сайт Charter97.org).

Генеральны пракурор Пэм Бонды заявіла, што Мадуру прад'яўлены абвінавачванні у змове з мэтай наркатэрарызму, ўвозе какаіну, незаконным валоданні кулямётамі і выбуховымі прыладамі, а таксама ў змове супраць ЗША. Прэзідэнт ЗША Дональд Трамп апублікаваў у Truth Social фотаздымак, на якім, меркавана, зафіксаваны Мадура з павязкай на вачах на борце амерыканскага карабля.

Старшыня Аб'яднанага камітэта начальнікаў штабоў генерал Дэн Кейн назваў аперацыю адной з самых складаных за апошнія гады. Паводле яго слоў, у ёй удзельнічалі больш за 150 самалётаў, што дзейнічалі ў скаардынаваным рэжыме па ўсім Заходнім паўшар'і.

Ключавую ролю ў аперацыі адыграў дэсантны карабель USS Iwo Jima (LHD-7) — штурмавы карабель класа Wasp, прыпісаны да базы Норфолк, штат Вірджынія. Судна, уведзенае ў строй у 2001 годзе, названае ў гонар бітвы за Іводзіму ў Другой сусветнай вайне.

Карабель водазмяшчэннем больш за 40 тыс. тон прызначаны для аперацый Корпуса марской пяхоты, здольны несці верталёты, канвертапланы і самалёты вертыкальнага ўзлёту, а таксама аснашчаны шматузроўневай сістэмай узбраення і СПА. Менавіта з яго борта Мадура быў перададзены пад амерыканскую юрысдыкцыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com