У Швейцарыі стварылі ровар, які едзе сам

Ён аб’язджае перашкоды, тармозіць і можа прыехаць да кліента.

Група студэнтаў з Швейцарскай вышэйшай тэхнічнай школы Цюрыха распрацавала ровар, якому не патрэбны чалавек за рулём. Ён сам перасоўваецца па вуліцах, аб’яжджае перашкоды і своечасова тармозіць, піша PiataAuto.md.

Здавалася б, навошта такое вынаходніцтва, калі ровар і так ідэальны: карысны для здароўя, не забруджвае паветра і дапамагае разгрузіць гарадскія дарогі. Аднак, як тлумачыцца, студэнты і не збіраліся замяняць веласіпедыста. Сваю тэхналогію яны стваралі найперш для пракатных сэрвісаў, дзе ровары бяруць праз прыкладанне.

Праблема такіх сэрвісаў, як адзначае выданне, простая. Чалавек даязджае туды, куды яму трэба, і пакідае ровар там. Але гэтае месца не заўсёды папулярнае сярод іншых кліентаў, таму транспарт можа доўга прастойваць без справы. Тады кампаніі даводзіцца накіроўваць супрацоўнікаў, каб тыя ўручную пераганялі яго ў люднае месца.

Разумны ровар, паводле задумы распрацоўшчыкаў, вырашае гэта сам: ён вяртаецца туды, дзе на яго попыт вышэйшы. А той, хто знаходзіцца ў аддаленым раёне, зможа выклікаць ровар да сябе, і той прыедзе без суправаджэння.

Паводле слоў студэнтаў, менавіта гэтыя збоі ў лагістыцы больш за ўсё перашкаджаюць пракатным кампаніям працаваць стабільна і прыбыткова. Іх распрацоўка, як сцвярджаюць аўтары, цалкам ліквідавала б гэтую праблему, а заадно пашырыла б зону пакрыцця сэрвісу і дапамагла б прыцягнуць больш кліентаў.

Як бачна на відэа, спераду на ровары ўсталяваныя камеры і датчыкі. Атрыманныя дадзеныя апрацоўвае бартавы камп’ютар – прыкладна так, як гэта робяць сучасныя аўтамабілі з аўтапілотам. Сістэма распазнае прадметы і перашкоды, вызначае, куды рухацца, і пры неабходнасці аб’язджае перашкоды.

Камп’ютар, як удакладняецца, сам паварочвае руль і націскае на тармазы, а рухацца ровару дапамагае электрарухавік, як на звычайных электрароварах. Каб не зваліцца, канструкцыю дапоўнілі двума бакавымі коламі, падобнымі да тых, што ставяць на дзіцячыя ровары для пачаткоўцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com