Jeep адрадзіць легенду, што вызваліла Еўропу

Невялікі пакарыцель бездаражжа Willys атрымае новае жыццё.

Jeep рыхтуе кампактны пазадарожнік, натхнёны легендарным Willys, які дапамог саюзнікам вызваліць Еўропу падчас Другой сусветнай вайны, паведамляе Motor1 (пераклад — сайт Charter97.org).

Пра вяртанне культавай мадэлі расказаў кіраўнік еўрапейскага падраздзялення Jeep Ксав’е Пежо на Парыжскім аўтасалоне. Канкрэтных характарыстык будучай мадэлі пакуль няма, аднак кампанія абяцае захаваць галоўныя рысы брэнда — праходнасць, практычнасць і пазнавальны характар.

«Наша задача — увасобіць арыгінальную ДНК Jeep у канкрэтных рашэннях для еўрапейскіх пакупнікоў», — заявіў Пежо.

Новыя мадэлі брэнда будуць паўнапрыводнымі. Для кампактнага пазадарожніка могуць выкарыстаць новую платформу Stellantis, разлічаную на розныя сілавыя ўстаноўкі.

«Ключавое слова для Jeep у Еўропе — свабода. Гэта таксама прыгоды, аўтэнтычнасць і запал», — падкрэсліў кіраўнік брэнда.

Адроджаны Willys стане адной з чатырох навінак, якія Jeep рыхтуе для еўрапейскага рынку. Праўда, прыхільнікам брэнда давядзецца набрацца цярпення.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com