Парыж ахапілі масавыя беспарадкі пасля гістарычнай перамогі ПСЖ

У сталіцы Францыі пачаліся сапраўдныя вулічныя баі.

Парыж ахапілі масавыя беспарадкі пасля гістарычнай перамогі футбольнага клуба ПСЖ у фінале Лігі чэмпіёнаў. Радасць заўзятараў хутка перарасла ў жорсткія сутыкненні з праваахоўнікамі на галоўных вуліцах французскай сталіцы.

Аб гэтым паведамляе Deutsche Welle.

Футбольныя фанаты запоўнілі знакамітыя Елісейскія палі адразу пасля фінальнага свістка. Пакуль гульцы святкавалі ў Венгрыі, у Парыжы пачаліся сапраўдныя вулічныя баі.

Міністэрства ўнутраных спраў Францыі ўжо абнародавала першыя лічбы: сілавікі затрымалі прынамсі 326 чалавек па ўсёй краіне. Асноўны ўдар прыйшоўся на сталіцу: тут пад вартай апынуліся 235 чалавек.

Сітуацыя абвастрылася яшчэ падчас матчу. Канфлікты ўспыхнулі, калі Арсенал выйшаў наперад у серыі пенальці. На праспект Елісейскія палі выйшлі каля 20 000 чалавек. Натоўп пачаў некантралявана запускаць феерверкі і сігнальныя ракеты.

Эпіцэнтрам агрэсіі стаў не толькі цэнтр горада. Побач са стадыёнам «Парк дэ Прэнс», хатняй арэнай ПСЖ, сабралася больш за 1 000 фанатаў. Мяцежнікі пачалі будаваць бар'ікады з вулічных ровараў і падпальваць іх.

Таксама хуліганы разбілі пякарню і рэстаран паблізу стадыёна. Натоўп нават здолеў часова заблакаваць Пэрыфэрык — галоўную кальцавую дарогу вакол Парыжа. Паліцыя была вымушаная ўжыць сілу, каб аднавіць рух транспарту.

Праваахоўнікі загадзя падрыхтаваліся да свята. На вуліцы вывелі 22 000 паліцыянтаў. Улады хацелі пазбегнуць трагедый мінулага года. Тады святкаванне перамогі ПСЖ над «Інтэрам» скончылася трагічна. Тады па ўсёй краіне затрымалі больш за 500 чалавек. Два чалавекі загінулі падчас начных беспарадкаў.

На гэты раз паліцыя канфіскавала сотні адзінак піратэхнікі. Патруляванне працягваецца да самай раніцы. Зараз сітуацыя ў горадзе стабілізавалася, аднак камунальныя службы працягваюць ліквідаваць наступствы пагромаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com