У Рагачове трэба ратаваць дом, звязаны з творчасцю Уладзіміра Караткевіча

Пісьменнік часта праводзіў там па некалькі месяцаў штогод.

Дом у Рагачове, дзе ствараліся творы народнага пісьменніка Беларусі Уладзіміра Караткевіча, знаходзіцца ў заняпалым стане. Пра гэта паведамляе «Еўрарадыё».

Будынак быў пабудаваны ў 1914 годзе дзедам пісьменніка Васілём Грынкевічам. У Караткевіча ў доме быў асобны пакой для працы, дзе ён пісаў аповесці «Ладдзя Роспачы», «Сівая легенда», а таксама твор «Віна дажджоў». Тут былі створаныя значныя часткі раманаў «Каласы пад сярпом тваім» і «Хрыстос прызямліўся ў Гародні».

Пісьменнік часта праводзіў у Рагачове па некалькі месяцаў штогод.

Зараз агароджа сядзібы часткова абрынулася, а сам дом паступова губляе гістарычны воблік. Краязнаўцы і даследчыкі творчасці Караткевіча неаднаразова адзначалі неабходнасць захавання гэтага аб’екта як часткі гісторыка-культурнай спадчыны, аднак стан будынка працягвае пагаршацца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com