Беларуска знайшла ў сябе на ўчастку незвычайны грыб

У Беларусі гэты від упершыню быў знойдзены ў 2001 годзе.

Жыхарка Глуска Таццяна знайшла на сваім прысядзібным участку незвычайны грыб — Муцінус Равенеля, які ў народзе часта называюць «смярдзючы смарчок». Гэты рэдкі від паходзіць з Паўночнай Амерыкі і адносіцца да грыбоў-сапратрофаў, якія жывуць за кошт раскладання арганічных рэчываў, піша «Камерцыйны кур’ер».

Жанчына выпадкова зачапіла грыб і зламала яго, але незвычайны выгляд знаходкі прыцягнуў яе ўвагу. Галоўная ж яго асаблівасць — моцны непрыемны пах, падобны да паху падалі, таму ў ежу ён не выкарыстоўваецца.

У Беларусі гэты від упершыню быў знойдзены ў 2001 годзе ў Віцебскім раёне. Цяпер яго зрэдку знаходзяць у розных кутках краіны, часцей за ўсё ў парках, садах і на дачных ўчастках сярод вільготнай травы. Звычайна грыб з’яўляецца ў перыяд з чэрвеня па верасень.

Муцінус Равенеля занесены ў Чырвоную кнігу Беларусі як рэдкі заносны від. Таму, знайшоўшы яго, раяць не зрываць і не пашкоджваць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com