Аўтары хіта-мільённіка «August» рыхтуюць дэбютны беларускамоўны альбом

Гурт Intelligency дапрацоўвае новы альбом.

Ён будзе не толькі першым поўнафарматным за чатыры гады, але і першым беларускамоўным у іх дыскаграфіі, піша «Наша Ніва».

«Мы пішам музыку ўжо 12 гадоў, спрабавалі граць яе ў многіх гарадах свету, але ніколі не задумваліся пра тое, каб наша творчасць перадусім была патрэбная тут [у Беларусі]. Таму мы вырашылі запісаць вялікі альбом на беларускай мове, — падзяліліся музыкі. — 12 гадоў пісаць музыку дзеля таго, каб нарэшце прыйсці да самога сябе. У нас ёсць хіт «August», у нас ёсць іншыя песні-мільённікі, але чаго гэта ўсё варта ў нашы часы? Наш наступны альбом — асаблівы, на беларускай мове, для нашых людзей і проста для ўсіх добрых людзей. Няхай будзе свята музыкі».

На гэты момант вядомыя толькі назвы трэкаў будучай пласцінкі — «Мінск», «Камяні», «Таямніца», «Мара», «Каханне». А таксама — некаторыя ўрыўкі з трэкаў. Вось, напрыклад, некалькі такіх фрагментаў.

Аўтары абяцаюць у тэкстах шмат «пасхалак» і чыста беларускіх выразаў кшталту «кінь дурное».

Акрамя таго, музыкі ўжо прэзентавалі кліп на песню «Таямніца», у якім яны разам з акцёрамі тапчуць нагамі гразь, танцуючы на беларускім полі, а пасля ядуць халаднік, агуркі, дранікі і печаную бульбу з малаком. Пры гэтым усё знята ў вельмі рэйвавым вайбе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com