Польскае кансульства ў Мінску абвясціла пра важную змену

Яно датычыцца ўладальнікаў Карты паляка.

Польскае кансульства ў Мінску аднавіла прыём заяў на падачу дакументаў на візу на падставе Карты паляка праз электронную пошту. Зрабіць гэта могуць уладальнікі, якія не менш як апошнія шэсць месяцаў жывуць на тэрыторыі Мінскай кансульскай акругі.

Заявы прымаюць па электроннай пошце polonia.wk.minsk@msz.gov.pl. Да Мінскай кансульскай акругі адносяцца Мінская, Гомельская, Магілёўская і Віцебская вобласці.

Перапіску неабходна весці на польскай мове. Разглядаць будуць толькі індывідуальныя звароты ад асобаў, якія пражываюць і зарэгістраваныя на тэрыторыі акругі. Заявы, дасланыя візавымі пасярэднікамі, прымаць не будуць.

У кансульстве таксама просяць па кожным пытанні накіроўваць толькі адно пісьмо. Калі чалавек дашле некалькі паведамленняў па адной і той жа справе, карэспандэнцыю могуць пакінуць без разгляду.

У лісце неабходна пазначыць імя і прозвішча заяўніка або членаў сям’і — так, як яны напісаныя ў пашпарце, адрас рэгістрацыі, кантактны нумар тэлефона і сутнасць звароту. Да ліста трэба далучыць сканы ўсіх дакументаў, якіх тычыцца запыт.

Заявы аб прызначэнні даты падачы дакументаў, накіраваныя на іншыя адрасы кансульскага аддзела Пасольства Польшчы ў Мінску, разглядаць не будуць. Даты візітаў будуць прызначаць з улікам арганізацыйных магчымасцяў установы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com