Ядзерная праграма Лукашэнкі

Будаўніцтва АЭС у Беларусі павіннае пачацца ўжо ў студзені 2009 года. Першы блок атамнай станцыі плануецца ўвесці ў эксплуатацыю ў 2016 годзе, другі - у 2018-м годзе. На будучай АЭС мяркуецца выкарыстоўваць вода-вадзяныя рэактары трэцяга пакалення. Асноўным вытворцам дадзенага абсталявання - амерыкана-японскай, франка-германскай і расейскай кампаніям - Беларусь накіравала свае прапановы разгледзець магчымасць удзелу ў будаўніцтве АЭС. Па меркаванні экспертаў, будаваць АЭС у Беларусі ўсё ж такі будзе Расея.

Намер уладаў будаваць АЭС выклікаў пратэсты з боку навукоўцаў і насельніцтва. Беларусь з'яўляецца краінай, найбольш пацярпелай ад аварыі на Чарнобыльскай АЭС. Навукоўцы выступаюць за недапушчэнне размяшчэння на тэрыторыі краіны ядзернай зброі і яе элементаў, будаўніцтва АЭС і захоўвання ядзерных адходаў.