24 апреля 2019, среда, 16:05
За нашу и вашу свободу!
Рубрики

Лявон Тарасэвіч прадставiў у Мiнску сваю выставу

Лявон Тарасэвіч

Жыхары cталiцы могуць пабачыць творы вядомага беларускага мастака з Падляшша.

У сталічнай Галерэі “Ў” адкрылася выстава сучаснага беларускага мастацтва ZBOR IN PROGRES. Распавядае “Радыё Рацыя” яе ўдзельнік, мастак з Падляшша Лявон Тарасэвіч:

— Калі мы проста задумалі паказваць чарговае выданне Беларускага Трыялогу ў Крынках, дзе таксама ёсць частка, прысвечаная візуальнаму мастацтву, тады так шчасліва здарылася, што мы скантактаваліся з Андрэем Дурэйкам і змаглі зрабіць малую выставу. Але я думаю, што яна была настолькі скампрэсаваная, што можна яе назваць маленькай сястрой гэтай выставы.

Выстава сучаснага беларускага мастацтва ZBOR пачыналася ў 2015 годзе ў беластоцкай галерэі “Арсенал”, затым быў працяг у Кіеве. Нарэшце яна вярнулася на Радзіму.