Касінец даў кіраўнікам гаспадарак 48 гадзін
52
16:12, — Грамадства
Старшыня Віцебскага аблвыканкама Аляксандр Касінец запатрабаваў ліквідаваць выяўленыя ў гаспадарках рэгіёну факты безгаспадарчасці на працягу 48 гадзін.
Пра гэта ён заявіў сёння на каардынацыйнай нарадзе па барацьбе са злачыннасцю і карупцыяй, прысвечанай рэалізацыі патрабаванняў Дырэктывы №3 «Эканомія і беражлівасць - галоўныя фактары эканамічнай бяспекі дзяржавы» і ўказа «Аб абвяшчэнні 2013 года Годам беражлівасці», перадае БелТА.
Пра шматлікія факты безгаспадарчасці на аб'ектах АПК, выяўленыя ў ходзе маніторынгу, губернатару далажыў пракурор Віцебскай вобласці Генадзь Дыско. У якасці прыкладаў ён прывёў факты неналежнага захоўвання збожжа, сельскагаспадарчай тэхнікі, мінеральных і калійных угнаенняў і іншыя выпадкі, зафіксаваныя ў Дубровенскім, Талачынскім, Пастаўскім, Чашніцкім, Расонскім і іншых раёнах вобласці.
На думку Аляксандра Касінца, вытокі такога становішча спраў крыюцца перш за ўсё ў бескантрольнасці службовых асобаў, а таксама ў безгаспадарчасці работнікаў. «Гаворым пра эканомію, выхаванне руплівасці... А што дзеецца? Пра якую эфектыўнасць можа ісці гаворка? Між тым ухіленне дадзеных парушэнняў не патрабуе вялікіх эканамічных затрат», - падкрэсліў губернатар, запатрабаваўшы выправіць іх на працягу 48 гадзін. Да тых кіраўнікоў гаспадарак, якія безадказна паставяцца да гэтай працы, ён даручыў прымяняць самыя жорсткія меры рэагавання.
Напісаць каментар (52)
Навіны
па тэме
- Хто больш?
- У «год ашчадлівасці» Пінск эканоміць на адукацыі і спорце
- «Год беражлівасці»: аўто за $68 тысяч для нясвіжскіх чыноўнікаў
Экспарт
Новости партнеров
