У Беларусь едуць прадусары «Індыяны Джонса»

Галівудская кампанія The Kennedy / Marshall Company зацікавілася вытворча-тэхнічнай базай «Беларусьфільма».

Бліжэйшым часам беларускую кінастудыю наведае прадстаўнік кампаніі, прадусар Андэрс Крыстэнсан, паведамляе БелТА.

Ён, у прыватнасці, зацікавіўся лакацыяй на натурнай пляцоўцы «Беларусьфільма».

The Kennedy / Marshall Company вядомая прадусаваннем такіх фільмаў, як «Індыяна Джонс і Каралеўства крышталёвага чэрапа», «Лінкальн», «Баявы конь», «Арыэці з краіны ліліпутаў», «Загадкавая гісторыя Бэнджаміна Батана» ды інш.

Акрамя таго, дасягнутае папярэдняе пагадненне аб удзеле «Беларусьфільма» ў новым праекце французскай прадусаркі Мікі Захар, якая прадстаўляе рэжысёра Эміра Кустурыцу.