Невядомы распачаў стральбу ў парламенце Канады
1- 22.10.2014, 18:06
- 10,770
Мужчына забег у будынак парламента і зрабіў каля 30 стрэлаў.
Невядомы распачаў стральбу каля Нацыянальнага ваеннага мемарыяла ў сталіцы Канады Атаве, размешчанага непадалёк ад парламента краіны, а затым забег у будынак парламента і зрабіў каля 30 стрэлаў, паведамляе BBC.
Чалавек, які страляў, на гэты момант не абясшкоджаны. Адзін з вайскоўцаў атрымаў раненне, паведамляюць канадскія СМІ.
Прэм'ер-міністр краіны Стывен Харпер пакінуў комплекс парламенцкіх будынкаў і знаходзіцца ў бяспецы, паведамляе канадскае тэлебачанне са спасылкай на асяроддзе прэм'ера.
Раней у сераду ўлады Канады перагледзелі ўзровень тэрарыстычнай пагрозы ў краіне, змяніўшы яго з "нізкага" на "сярэдні".