З-за максімальнага збліжэння Зямлі і Марса 14 красавіка Месяц стане чырвоным
18- 11.04.2014, 17:31
- 23,690
14 красавіка Марс наблізіцца да Зямлі на мінімальную адлегласць. Па разліках астраномаў, у сярэдзіне красавіка паміж нашай і Чырвонай планетамі яна складзе 92 мільёна кіламетраў.
Гэту падзею астраномы ахрысцілі «апазіцыяй Марса», паколькі ў гэты момант Чырвоная планета і Сонца будуць размешчаныя на процілеглых баках неба. Марс паказваецца на ўсходзе падчас заходу. Калі надыходзіць поўнач, ён вісіць амаль над галавой. Пры гэтым яго жаўтлява-чырвоны колер амаль у дзесяць разоў ярчэй святла зоркі першай велічыні, піша «Российская газета».
Такоя нябесная з'ява фіксуецца раз у 26 месяцаў, і ў такія моманты Марс вельмі лёгка ўбачыць.
8 красавіка Марс, Зямля і Сонца выстраіліся практычна па прамой. Як адзначаюць навукоўцы, калі б арбіты Марса і Зямлі былі ідэальна круглымі, а не ў форме эліпса, найбольшае збліжэнне планет адбылося б менавіта ў гэты дзень. Але ў выніку на мінімальную адлегласць адзін да аднаго яны падыдуць амаль праз тыдзень - 14 красавіка.
Астраномы таксама адзначылі цікаўны факт: у ноч найбольшага набліжэння Марса да Зямлі чакаецца поўнае месячнае зацьменне. Пры гэтым поўны Месяц 14-15 красавіка стане такім жа чырвоным, як і сама Чырвоная Планета.
Дарэчы, у астатнія дні красавіка Марс будзе добра прыкметны на небе. Яго можна ўбачыць няўзброеным вокам, а з дапамогай нават слабога тэлескопа магчыма разглядзець іржавы дыск Марса і паўночную палярную шапку планеты, накіраваную ў бок Сонца.