Афіцэр ГВУ: Нех...й цырымоніцца - аж да агню на паражэнне. Вы не ў Крыме (Аўдыё)

СБУ перахапіла інструктаж баевікоў, якія захапілі Славянск, афіцэрам ГВУ.

З тэлефоннай размовы вынікае, што тэрарысты плануюць знішчаць украінскіх вайскоўцаў. Менавіта такія інструкцыі атрымалі члены дыверсійнай групы ГВУ ГШ ВС РФ. Указанні ім дае «Стралок», раней ідэнтыфікаваны як грамадзянін РФ, афіцэр спецназа ГВУ Генштаба ўзброеных сіл Расейскай Федэрацыі Ігар Стралкоў. Менавіта яго голас быў чутны на запісы тэлефоннай размовы з маскоўскім куратарам, апублікаванай у СМІ яшчэ 14 красавіка, дзе ён дае справаздачу аб тэроры ў Славянску і расстрэле аўтамабіля з украінскімі праваахоўнікамі.

Зараз ён папярэджвае тэрарыстаў, што «гэта не Крым» і ім варта быць гатовымі «аж да агню на паражэнне».

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.

У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.

15 красавіка ў выніку аперацыі ўкраінскіх сілавікоў быў вызвалены захоплены расейскімі дыверсантамі і сепаратыстамі горад Краматорск на поўначы Данецкай вобласці.