Эсмінец ВМС ЗША з ракетамі «Тамагаўк» удзельнічае ў вучэннях ля берагоў Украіны
11- 18.04.2014, 21:33
- 22,419
Абсталяваны сістэмай ПРА «Іджыс» эсмінец «Дональд Кук» знаходзіцца ў Чорным моры праз абвастрэнне сітуацыі на паўднёвым усходзе Украіны.
Ён удзельнічае ў вайсковых вучэннях, паведамляюць у пятніцу, 18 красавіка, румынскія СМІ. Паводле наяўных звестак, гаворка ідзе аб сумесных з румынскімі караблямі манеўрах у тэрытарыяльных водах Румыніі, а таксама ў міжнародных водах, піша ZN.ua.
Але, паводле паведамленняў інфармацыйнай службы ВМС ЗША, напярэдадні эсмінец пакінуў румынская порт Канстанца, у які ён прыбыў раней на гэтым тыдні.
Эсмінец «Дональд Кук», які абсталяваны сістэмай ПРА «Іджыс» і крылатымі ракетамі «Тамагаўк», увайшоў у акваторыю Чорнага мора 10 красавіка. У Пентагоне тады звязвалі кірунак карабля з абвастрэннем сітуацыі на паўднёвым усходзе Украіны.