Краіны G7 увядуць новыя санкцыі супраць Расеі

Рашэнне аб увядзенні новых санкцый будзе прынята 4-5 чэрвеня ў Брусэлі.

У гэтыя дні ў сталіцы Бельгіі праходзіць саміт «Вялікай сямёркі», кіраўнікі дзяржаў якой маюць намер узмацніць ціск на Расею з-за яе дзеянняў ва Украіне. Пра гэта паведамілі дыпламатычныя крыніцы ў Еўрапейскім Звязе, які выступае гаспадаром саміту, паведамляе «Радыё Свабода».

Першапачаткова сустрэчу кіраўнікоў дзяржаў планавалася правесці ў Сочы ў фармаце «Васьмёркі», але з-за анэксіі Крыма, саміт быў перанесены ў Брусэль і праводзіцца без удзелу Масквы. Дыпламатычныя крыніцы ў Брусэлі заявілі 3 чэрвеня, што значная частка сустрэчы будзе прысвечаная становішчу ва Украіне і стасункам з Расеяй. У той час як лідары «Вялікай сямёркі» маюць намер пацвердзіць сваю прыхільнасць далейшым санкцыям супраць Расеі, «калі таго патрабуе сітуацыя», прыярытэт у цяперашні час аддаецца «дыпламатычным і палітычным намаганням» па ўрэгуляванні крызісу, сказаў еўрапейскі дыпламат.

Ён жа адмовіўся паведаміць, якія дзеянні Расеі змогуць прывесці да наступных санкцый, заявіўшы, што гэта пытанне будуць вырашаць кіраўнікі дзяржаў.