Дзённую норму ежы ў КНДР скарацілі да 410 грамаў

У Паўночнай Карэі нормы выдачы харчавання ўпалі да самага нізкага ўзроўню за апошнія 4 месяцы.

Назіральнікі кажуць пра прыкметы хранічнага недахопу харчавання, піша ZN.ua.

У траўні, па дадзеных Сусветнай харчовай праграмы ААН, у Паўночнай Карэі выдавалася па 410 г ежы на чалавека ў дзень. У лютым норма складала 420 г. Гэта на 390 г менш, чым мінімальна рэкамендуемы аб'ём харчавання. Для параўнання, амерыканцы за дзень з'ядаюць 2 кг ежы.

У Пхеньяне сцвярджаюць, што атрыманая па праграмах ААН харчовая дапамога была размеркаваная сярод 16 млн чалавек, але праверыць гэтыя дадзеныя немагчыма. У той жа час, праграма забеспячэння ежай паўночнакарэйскіх дзяцей і цяжарных жанчын ААН адчувае недахоп фінансавання - выдзелена толькі 20% ад неабходных сум.

Краіна атрымлівае міжнародную дапамогу з 90-х гадоў, калі шэраг эканамічных зрываў і маштабны голад прывялі да гібелі сотняў тысяч чалавек.

У дакладах Сусветнай праграмы харчавання гаворыцца, што недаядае кожнае трэцяе паўночнакарэйскае дзіця, а ў кожнага пятага ёсць прыкметы знясілення.

У траўні ў Паўночнай Карэі, як кажуць у гуманітарных арганізацыях, бедны сезон. Ён працягваецца да кастрычніка. 16 млн чалавек вымушаныя спадзявацца на пайкі збожжавых, якія выдаюцца ад дзяржавы. У рацыён уваходзяць рыс, бульба і кукуруза - 410 г на дзень.

Як сцвярджае The Guardian, рэгулярная раздача харчовых паек працягваецца толькі ў паўночнакарэйскай сталіцы Пхеньяне, а сітуацыя ў правінцыях складваецца вельмі трывожная.

У кастрычніку, пасля ўборкі ўраджаю, прадуктаў харчавання было дастаткова. Лідар КНДР Кім Чэн Ын асабіста цікавіўся пытаннямі размеркавання прадуктаў харчавання і адзначаў багацце рацыёнаў. Але ўжо ў студзені хатнія гаспадаркі атрымалі па 2 кг рысу і кукурузы. А цяпер пайкі альбо не выдаюць, альбо людзі атрымліваюць сапсаваныя прадукты.

Варта адзначыць, што ацэнкі міжнародных назіральнікаў харчовай сітуацыі ў Паўночнай Карэі могуць змяшчаць значныя хібнасці, паколькі гэтая краіна застаецца адной з самых закрытых.

Фота: Reuters