Прэс-сакратар Пуціна «недаступны для каментароў»

Прэс-сакратар прэзідэнта Расеі Дзмітрый Пяскоў адмовіўся каментаваць заяву ўкраінскага кіраўніка Пятра Парашэнкі.

Пра гэта паведамляе «Говорит Москва».

«Я пакуль недаступны для каментароў», - сказаў Пяскоў. Ён адзначыў, што, магчыма, пракаментуе гэтую заяву пазней, увечары.

Раней, прэзідэнт Украіны Пётр Парашэнка скасаваў візіт у Турцыю і тэрмінова склікаў пасяджэнне РНБА ў сувязі з імклівым абвастрэннем сітуацыі ў Данецкай вобласці.

Парашэнка падкрэсліў, што адбылося ўвядзенне расейскіх войскаў ва Украіну.