Наталля Гарачка: Маладому чальцу камісіі было сорамна за фальсіфікацыі
39- 14.10.2015, 12:46
- 65,610
Пасля таго, як малады выкладчык псіхалогіі пераклаў нявыкарыстаныя бюлетэні ў стос за Лукашэнку, ён выбег з залы галасавання.
Пра гэта ў «Фэйсбуку» піша незалежная назіральніца Наталля Гарачка і публікуе фота «падліку» галасоў, паведамляе charter97.org.
«Знайшла здымак, на якім чалец камісіі пералічвае нявыкарыстаныя бюлетэні. Затым, частку з іх перакладвае ў стос за Лукашэнку.
Калі ўсё скончылася, малады выкладчык псіхалогіі быў так усхваляваны, нервова хадзіў каля брамы і спрабаваў нешта сказаць. Намеснік старшыні камісіі спытаў, што ён так нервуецца.
Хлапчук сумеўся.
Я адказала за яго: «Проста, яму яшчэ пакуль сорамна за ўсё, што тут адбылося!» Малады псіхолаг уцёк з залы галасавання...» - піша яна.