Штаб АТА: Баевікі не спыняюць спробаў захапіць Дэбальцава
7- 17.02.2015, 11:22
- 14,792
Украінскія войскі ўтрымліваюць свае пазіцыі і вядуць агонь у адказ.
Расейска-тэрарыстычныя войскі не спыняюць спробаў захапіць Дэбальцава. Бандыты прадаўжаюць абстрэльваць населены пункт з Градаў. Пра гэта паведамляе прэс-цэнтр АТА.
«Цягам ночы з 16 на 17 лютага ў зоне правядзення АТА назіралася нязначнае памяншэнне колькасці абстрэлаў пазіцый украінскіх войскаў. У той жа час, тэрарысты засяродзіліся на Дэбальцаўскім кірунку. Пад агонь артылерыі і мінамётаў патрапілі Папасная, Санжараўка, Чарнухіна. Тройчы праціўнік наносіў удары з рэактыўных сістэм залпавага агню Град па самым Дэбальцава», - сказана ў паведамленні.
Агулам за дзень тэрарысты 21 раз абстралялі сілы АТА з Градаў, 5 разоў з артылерыі, 19 - з мінамётаў і гранатамётаў. «Колькасць абстрэлаў і іх тэрыторыя ў чарговы раз паказваюць, што вораг усімі сіламі спрабуе захапіць горад Дэбальцава. Аднак за дзень сілы АТА не страцілі ні адной пазіцыі. Украінскія воіны хочуць міру, але сваёй зямлі не аддадуць», - распавялі ў штабе.
На Данецкам кірунку баевікі вялі мінамётны агонь па Опытному і паблізу Данецкага аэрапорта. У Марыупальскія кірунку злачынцы абстралялі Шыракіно, піша liga.net.
Фота: AP