Вікторыя Азаранка: Радая, што захавала веру ў перамогу

Беларуская тэнісістка расказала, як удалося пераламаць ход матчу з Вінус Уільямс.

Вікторыя Азаранка дала інтэрв'ю «Прессболу» пасля матчу з амерыканкай.

- Ведаеце, часам цяжка знайсці правільныя словы, каб выказаць свае пачуцці. Для гэтага найлепш падыходзіць мова цела. Менавіта так цяпер я сябе адчуваю! - сказала яна.

- Ты ўпершыню ў кар'еры перамагла Вінус Уільямс.

- Так, яна ніколі не аддае матчы лёгка. Гэтую сустрэчу Вінус таксама пачала вельмі добра - я проста не ведала, што рабіць. Мне давялося нешта мяняць у сваёй гульні, прымаць нестандартныя пастановы падчас сустрэчы. Я радая, што засталася ў гульні - захавала канцэнтрацыю, веру ў перамогу і здабыла перамогу.

- Што ты сказала сабе ў перапынку пасля першага сэту?

- Табе трэба гуляць крыху лепш, інакш зусім хутка ты пойдзеш дадому. Вінус ганяла мяне направа і налева па корце, я сапраўды не ведала, як з гэтым змагацца. Я адчувала, быццам гуляю значна больш павольна, чым спаборніца. Я прапусціла некалькі цалкам выдатных удараў. Але ў другім сэце я ўзяла гульню пад свой кантроль - і гэта вялікае дасягненне.

- Што скажаш пра сваіх заўзятараў, якія падтрымліваюць цябе ў Досе?

- Шчыра дзякую! Вы файныя! Асабліва, вось гэтыя хлопцы, якія сядзяць на гэтай трыбуне. Вы падтрымліваеце мяне цягам усяго турніру ў кожным матчы і ствараеце фантастычную атмасферу.

- Можа, ведаеш, што сёння за тваёй гульнёй з трыбун назіраў Дэвід Бэкхэм?

- Спадзяюся, ён застаўся задаволены ўбачаным матчам. Я паспрабавала прадэманстраваць свае футбольныя здольнасці. Спадзяюся, Дэвід гэта заўважыў!