Лукашэнка: Дайце сотню рэвалюцыянераў, і мы перавернем Беларусь

Дыктатар хоча аднаўляць стратную сельскую гаспадарку за кошт фермераў.

У Лагойскім раёне Лукашэнка наведаў фермерскую гаспадарку "Цнянскія экапрадукты", паведамляе БелТА.

Дыктатар адзначыў, што ў справе аднаўлення нерэнтабельных або нізкарэнтабельных сельгаспрадпрыемстваў трэба ў тым ліку арыентавацца на фермераў.

"У нас трэць ці чвэрць гаспадарак, з якімі вы (дзяржаўныя ўласнікі) не спраўляецеся. Ну дык трэба шырэй выкарыстоўваць фермераў. Але гэта не павінна быць бяздумна. У дзяржавы заўсёды павінна быць жорсткая падушка бяспекі - заявіў Лукашэнка. - У нас ёсць добрыя фермеры, якія сябе зарэкамендавалі. Хочуць - аддайце лепш ім. І не спяшаецеся аддаваць замежнікам. А калі аддаяце, то жалезабетонна пад умовы. Сяло ў нас выходзіць на нармальны ўзровень развіцця. Не страцьце кіраванне ў сельскай гаспадарцы".

Пры гэтым Лукашэнка нагадаў, што ў сельскай гаспадарцы трэба выконваць у першую чаргу яго дырэктывы. "Але трэба бачыць эфектыўнасць, харчовую бяспеку дзяржавы. Хіба б прыватнікі выцягнулі сяло 10 гадоў таму, калі мы стваралі праграму?" - адзначыў дыктатар.

У канцы выступу Лукашэнка зрабіў эпатажную заяву. "Калі няма кіраўніка - ніколі не будзе гаспадаркі. Дайце мне сотню рэвалюцыянераў, і мы перавернем Беларусь. Ёсць нармальныя людзі, і ім трэба аддаваць зямлю. Няхай працуюць".