Улады мяркуюць, што харчавацца, апранацца і адпачываць можна на $180 за месяц

Бюджэт пражытачнага мінімуму з 1 жніўня павысілі на 5 даляраў.

Міністэрства працы і сацыяльнай абароны абнавіла сумы мінімальных спажывецкіх бюджэтаў. Так, МСБ для працаздольнага насельніцтва з 1 жніўня складзе 366 рублёў 80 капеек. Мяркуецца, што менавіта столькі грошай трэба на набор прадуктаў і рэчаў для задавальнення базавых патрэбаў. Аб гэтым паведамляецца на Нацыянальным прававым інтэрнэт-партале.

Сярэднедушавы мінімальны спажывецкі бюджэт маладой сям'і з трох чалавек цяпер складае 312 рублёў 24 капейкі. А вось мінімальныя выдаткі пенсіянера на месяц знаходзяцца, на думку Мінпрацы, на ўзроўні 288 рублёў 3 капеек, дзіцяці да трох гадоў - 233 рублёў 11 капеек.

Сярэднедушавыя мінімальныя спажывецкія бюджэты з 1 жніўня:

- Працаздольнае насельніцтва - 366 беларускіх рублёў 80 капеек;

- Пенсіянеры - 288 беларускіх рублёў 3 капейкі;

- Студэнты - 271 беларускі рубель 96 капеек;

- Дзеці ва ўзросце да трох гадоў - 233 беларускія рублі 11 капеек;

- Дзеці ва ўзросце ад трох да шасці гадоў - 307 беларускіх рублёў 90 капеек;

- Дзеці ва ўзросце ад шасці да васемнаццаці гадоў - 311 беларускіх рублёў 94 капейкі;

- Сям'я з чатырох чалавек - 285 беларускіх рублёў 43 капейкі;

- Маладая сям'я з трох чалавек - 312 беларускіх рублёў 24 капейкі.

З 1 траўня да 31 ліпеня МСБ для працаздольнага насельніцтва быў 355 рублёў 27 капеек.