КДБ РБ папярэджвае: Дыктатуры не пазбегнуць крызісу

Начальнік цэнтра інфармацыі і грамадскіх сувязяў Валеры Надтачаеў на прэс-канферэнцыі ў Менску 22 кастрычніка заявіў, што ў Камітэце дзяржаўнай бяспекі Беларусі занепакоеныя сусветным фінансавым крызісам.

У тым, што крызіс закране Беларусь, прадстаўнік КДБ, мяркуючы па яго словах, не сумняваецца, адзначае БелаПАН.

"Свет нагадвае цесную камунальную кватэру, таму наўрадці мы зможам пазбегнуць нейкіх пабочных з'яваў. У якой ступені — пажывем — пабачым", — сказаў Надтачаеў.