Народ співаецца: Спажыванне алкаголю ў Беларусі перавышае ўсе нормы СААЗ
57- 28.01.2009, 16:33
У Беларусі спажыванне алкаголю ў 1,5 разы перавышае норму, за якой пачынаецца дэградацыя нацыі.
У Беларусі ў 2008 годзе спажыванне алкаголю на душу насельніцтва склала 12,5 літра чыстага спірту, у той час як па дадзеных Сусветнай Арганізацыі Аховы здароўя спажыванне алкаголю звыш 8 літраў вядзе да дэградацыі нацыі, піша АФН.
Дадзеныя па спажыванні алкаголю агучыў сёння намеснік міністра гандлю Беларусі Міхаіл Свянціцкі, па словах якога, яшчэ ў 2005 годзе гэтая лічба складала 9,4 літра на чалавека ў год, і ўжо яна падавалася вялікай і нават жахлівай.
Як адзначыў намміністра, «тэндэнцыя, што складаецца, пагражае дэмаграфічнай сітуацыі ў краіне».