Супрацоўнікі ДАІ адкрылі агонь па аўтамабілі п'янага кіроўцы

Табельную зброю ўжылі супрацоўнікі ДАІ для таго, каб спыніць п'янага ліхача-аўтамабіліста ў Смалявіцкім раёне Менскай вобласці.

Пра гэта карэспандэнту БелТА паведамілі ва ўпраўленні ДАІ МУС Беларусі.

Міліцыянты зрабілі два папераджальных стрэла ўверх і два прыцэльных па колах аўтамабіля.

Аўтамабілем «Опель-Кадэт» кіраваў 21-гадовы кіроўца. Ён не падпарадкаваўся неаднаразовым законным патрабаванням супрацоўнікаў ДАІ спыніцца. Пры пераследванні кіроўца папярэджваўся пра магчымасць выкарыстання табельнай зброі, але ніяк на гэта не рэагаваў.

Ён не даваў сябе абагнаць, не выконваў патрабаванняў дарожных знакаў, разметкі і сваімі дзеяннямі ствараў рэальную пагрозу жыццю і здароўю грамадзянаў. На 17-м км аўтадарогі Слабада-Навасады, пасля пашкоджання прыцэльнымі стрэламі двух задніх колаў аўтамабіля, кіроўца быў затрыманы. У дачыненні да яго складзеныя 4 адміністрацыйныя пратаколы.