Мядзведзеў абазваў дурнямі расіян, якія выступаюць супраць вайны

Крэмль усё мацней раздражняюць антываенныя настроі.

Расійская моладзь выказваецца супраць вайны ва Украіне праз глупства і «скажанасць» свядомасці, заявіў намеснік старшыні Савета бяспекі РФ Дзмітрый Мядзведзеў падчас пасяджэння савета «Адзінай Расіі» па распрацоўцы новай «народнай праграмы», паведамляе The Moscow Times.

«Адкуль выпаўзаюць вось гэтыя людзі з такімі зусім скрыўленымі мазгамі? Менавіта проста таму, што яны не разумеюць, што яны робяць, у асноўным. Ну, ёсць, канешне, перакананыя нягоднікі, але я думаю, што сярод іх не так шмат. Гэта хутчэй ад глупства і несвядомасці», — цытуе Мядзведзева ТАСС. Ён дадаў, што «ЕР» варта «шчыльна працаваць» з тымі, хто выказвае падобныя погляды.

Мядзведзеў таксама закрануў тэму магчыманага зыходу «СВА». Паводле яго слоў, вайна завершыцца або будзе прыпыненая толькі пасля задавальнення патрабаванняў Крэмля. Яны, у тым ліку, прадугледжваюць поўны вывад украінскіх войскаў з усіх акупаваных тэрыторый Украіны. Адносіны РФ з Захадам мала зменяцца «са спыненнем або прыпыненнем СВА ў той ці іншай форме», — заявіў намеснік старшыні Савета бяспекі: «Рана ці позна гэта, натуральна, адбудзецца і, натуральна, я сыходжу з таго, што на нашых умовах». Таксама Мядзведзеў заклікаў удзельнікаў агрэсіі больш актыўна распавядаць школьнікам пра свае «подзвігі» і параўнаў «герояў СВА» з ветэранамі Вялікай Айчыннай вайны.

Ён адзначыў, што байцы «СВА», якія цяпер прыходзяць у школы, даволі маладыя, у адрозненне ад удзельнікаў савецка-нямецкай вайны, якія распавядалі вучням франтавыя гісторыі. «І вось мне здаецца, вельмі важна, каб яны проста прыходзілі ў школы. Мне здаецца, гэта і для іх важна насамрэч. Нават падзяліцца нейкімі момантамі, таму што мы разумеем усе праблемы, якія ўзнікаюць пасля вяртання з фронту», — сказаў Мядзведзеў. Ён падкрэсліў, што арганізацыя такіх урокаў — гэта «дакладна справа для партыі», у тым ліку на будучыню, якая, паводле слоў намесніка старшыні Савета бяспекі, «будзе, натуральна, нялёгкай».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com