Юніёрская зборная Беларусі па хакеі моцна прайграла шведам
10- 15.04.2010, 11:46
З паражэння 0:7 ад шведаў стартавала 14 красавіка юніёрская зборная Беларусі на чэмпіянаце свету па хакеі, які праходзіць у Менску і Бабруйску.
Гаспадары, якія гуляюць на «Бабруйск-Арэне», прапусцілі шайбы на 21-й (у меншасці), 24-й, 32-й (у меншасці), 34-й (у меншасці), 36-й, 41-й ( у меншасці) і 45-й хвілінах, паведамляе БелаПАН.
Астатнія вынікі другога дня, які прайшоў:
Група А (Бабруйск) - Швейцарыя - ЗША - 1:5. Становішча камандаў: Швецыя - 6 балаў (2 гульні; розніца шайбаў 11-2), ЗША - 3 (2; 7/5), Швейцарыя - 3 (2; 4-6), Канада - 0 (1; 1-3) , Беларусь - 0 (1; 0-7).
Група В (Мінск) - Латвія - Расея - 0:9, Чэхія - Славакія - 4:3. Становішча камандаў: Расея - 6 (2; 13/1), Фінляндыя - 3 (1; 7/2), Чэхія - 3 (2; 5-7), Славакія - 0 (1; 3-4), Латвія - 0 (2; 2-16).
15 красавіка Беларусь згуляе з Канадай.