Чаргінец збіраецца ўзгадаць Германіі Гітлера
105- 2.02.2011, 14:44
У «чорны спіс» ЕЗ патрапілі амаль 160 беларускіх чыноўнікаў, у тым ліку і старшыня праўладнага саюза пісьменнікаў Мікалай Чаргінец.
У адказ на такія санкцыі ён хоча дамагчыся, каб Германія вярнулася да разгляду праблемы генацыду беларускага народа падчас вайны.
Мікалай Чаргінец сказаў у гутарцы з «Еўрарадыё»: «Калі гэта пацвердзіцца, я буду ініцыяваць, выкарыстоўваючы ўсе свае магчымасці ў многіх краінах, разгляд германскага генацыду ў дачыненні да беларускага народа (у час Вялікай Айчыннай вайны)».
Мікалай Чаргінец звычайна адпачывае ў Беларусі, у Сочы, лётаў у Турцыю, у свой час ездзіў на Балканы, а вось у Германію і Польшчу не рвецца: «Я аб'ездзіў увесь свет. Ну, не паеду ў Еўропу, паеду ў Браслаў, там мясціны больш прыгожыя, чым у Германіі. Еўропу я глядзеў. Добрыя, дагледжаныя гарады, як правіла, занадта дарагія для нас. Карацей, абыдземся».