Moody's панізіла рэйтынгі шасці беларускіх банкаў
10- 4.04.2011, 16:06
Міжнароднае рэйтынгавае агенцтва Moody's 4 красавіка панізіла доўгатэрміновыя рэйтынгі дэпазітаў у замежнай валюце c ўзроўню B2 да B3 шасці беларускіх банкаў.
Гэта Беларусбанк, Белаграпрамбанк, Белінвестбанк, Белпрамбудбанк, Банк Масква-Мінск і Мінскі Транзітны банк, паведамляе АФН.
Прагноз па рэйтынгах у замежнай валюце «негатыўны», што выклікана паніжэннем суверэннага крэдытнага рэйтынгу Беларусі на адну прыступку з узроўню B1 да ўзроўню B2, што ў сваю чаргу выклікана зніжэннем золатавалютных рэзерваў Нацбанка РБ.
Moody's таксама панізіла рэйтынг дэпазітаў у нацвалюце трох дзяржаўных банкаў - Беларусбанк, Белаграпрамбанк, Белінвестбанк - да ўзроўню B2 з B1 і прыватнага банка Масква-Мінск да ўзроўню Bа3 з B1. Разам з тым агенцтва пацвердзіла рэйтынгі ў мясцовай валюце Белпрамбудбанка на ўзроўні Bа3 і МТБ на ўзроўні B2.
Прагноз па рэйтынгах у нацвалюце 5-ці беларускіх банкаў - негатыўны, Белпрамбудбанка - стабільны.
Нягледзячы на пагаршэнне ўмоваў працы банкаўскага сектара Беларусі, Moody's тым не менш пацвердзіла рэйтынг фінансавай устойлівасці на ўзроўні E+ ўсіх 6-ці пералічаных банкаў.