Віталь Радзівонаў: Непрыемна ўразіла ачапленне амапаўцаў у аэрапорце

У якім святле паўстала Беларусь у вачах «Барселоны»? Расказвае форвард БАТЭ.

Траўміраваны форвард БАТЭ Віталь Радзівонаў падзяліўся з «Прессболом» уражаннямі ад пройгрышу сваіх партнёраў «Барселоне» ў другім туры групавога этапу Лігі чэмпіёнаў (0:5):

«Мы занадта пачціва паставіліся да суперніка. Пры тым, што нам супрацьстаяў, як многія кажуць, наймацнейшы клуб свету, барысаўчане, упэўнены, маглі выступіць лепей. Маё глыбокае перакананне: БАТЭ цалкам не рэалізаваў немалы патэнцыял. Асабліва гэта адносіцца да першага тайма.

Гаворачы аб залішняй павазе да «Барселоны», маю на ўвазе не толькі футбалістаў. Непрыемна ўразіў антураж ў аэрапорце, які спадарожнічаў прылёту іспанцаў. Гэта шчыльнае ачапленне амапаўцаў... З аднаго боку - захаванне мераў бяспекі. А з іншага - у якім свеце паўстала нашая краіна ў вачах каталонскай дэлегацыі? На мой погляд, гэта была не тая сітуацыя, калі варта звяртацца да такіх мераў. Блакаваць дзяцей, падлеткаў, якія 2 гадзіны чакалі з'яўлення куміраў...»