29 сакавiка 2024, Пятніца, 2:34
Падтрымайце
сайт
Сім сім,
Хартыя 97!
Рубрыкі

Палудня будзе судзіць Ваенная калегія Вярхоўнага суда

13
Палудня будзе судзіць Ваенная калегія Вярхоўнага суда

Дата суда стане вядомая ў бліжэйшыя 3 месяцы.

Ваенная калегія Вярхоўнага суда Беларусі прыняла да разгляду крымінальную справу былога намесніка міністра ўнутраных спраў Яўгена Палудня.

«Матэрыялы крымінальнай справы ў дачыненні да Я.Палудня перададзены для разгляду ў Ваенную калегію ВС», - паведамілі агенцтву «Інтэрфакс-Захад» у аўторак ў Вярхоўным судзе.

«На працягу 3-х месяцаў Ваенная калегія вызначыцца з датай пачатку судовага пасяджэння па гэтай справе», - адзначылі ў судзе.

Як паведамляла агенцтва, на мінулым тыдні Генпракуратура накіравала ў Вярхоўны суд справу Я.Палудня для вызначэння падсуднасці.

Абвінавачванаму інкрымінуецца здзяйсненне злачынстваў, прадугледжаных ч.3 арт.424 КК (злоўжыванне ўладай або службовымі паўнамоцтвамі асобай, якая займае адказнае становішча), чч.2, 3 арт.426 КК (перавышэнне ўлады або службовых паўнамоцтваў асобай, якая займае адказнае становішча), ч. 3 арт.430 КК (атрыманне хабару асобай, якая займае адказнае становішча).

Мера стрымання ў дачыненні да абвінавачанага пакінута ранейшай - утрыманне пад вартай.

Напісаць каментар 13

Таксама сачыце за акаўнтамі Charter97.org у сацыяльных сетках