Сейсмічныя перамены

Для ўкраінцаў гэтыя навіны маюць яшчэ адно вымярэнне.

Дэмакраты не проста атрымліваюць кантроль ў абедзвюх палатах Кангрэса, яны атрымліваюць яго з велізарнай перавагай. Галасы яшчэ лічаць, але, паводле прагнозаў, Дэмакратычная партыя можа мець 54−55 галасоў у Сенаце і больш за 250 галасоў у Палаце прадстаўнікоў. Карціна будзе больш поўнай бліжэй да абеду па ўкраінскім часе.

Дональд Трамп ужо заявіў, што прыме вынікі выбараў і будзе працаваць з дэмакратамі. «Я абсалютна гатовы прызнаць гэтыя вынікі», — сказаў ён The New York Times. «Мы будзем працаваць з дэмакратамі, і мы, верагодна, пра нешта дамовімся». Але дадаў, што калі б ягонае імя было ў бюлетэнях, рэспубліканцы перамаглі б па ўсёй краіне.

На самой справе рэспубліканскія кандыдаты, вылучаныя і падтрыманыя Трампам, прайгралі нават у традыцыйна рэспубліканскіх штатах. У некаторых з гэтых штатаў дэмакратаў не абіралі ў Сенат дзесяцігоддзямі. Тэхас (упершыню за 38 гадоў), Канзас (за 94 гады), Паўднёвая Караліна (за 28 гадоў), Паўночная Караліна, Айова, Агаё… І гэта датычыцца не толькі сенатараў ці кангрэсменаў, але і губернатараў у многіх штатах.

Для ўкраінцаў гэтыя навіны маюць яшчэ адно вымярэнне. Сярод тых, хто прайграў, ёсць моцныя саюзнікі Украіны ў Кангрэсе. Рэспубліканскія кангрэсмены Браян Фіцпатрік, Майк Лоулер, Роб Брэснаган і Майк Кары. Сенатаркі Сюзан Колінз і Дарлін Грэм (сястра Ліндсі Грэма). І гэта — дадаткова да тых праукраінскіх заканадаўцаў, якія ў студзені заканчваюць сваю кар’еру ў Кангрэсе.

Іншая вядомая ўкраінцам рэспубліканка ў Палаце прадстаўнікоў — ураджэнка Чарнігаўшчыны Вікторыя Спарц — таксама прайграла выбары.

Адным словам, па стане на поўнач паводле вашынгтонскага часу навіны такія. Гэтай ноччу па Амерыцы пракацілася вялікая сіняя хваля.

Астап Ярыш, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com