У самалёта, што ляцеў з Мінска ў Маскву, адмовіў рухавік

Надзвычайнае здарэнне адбылося пры заходзе на пасадку.

У самалёта расійскай авіякампаніі «Победа», які вылецеў з Мінска, у небе над Масквой адмовіў рухавік, экіпаж перадаў паведамленне аб аварыйнай сітуацыі незадоўга да пасадкі. Пра гэта паведаміў тэлеграм-канал SHOT.

Паводле дадзеных SHOT, пасажырскі Boeing 737-800 ляцеў у маскоўскі аэрапорт Внукова з Мінска. Падчас заходу на пасадку на вышыні каля 1,5 кіламетра ў самалёта самастойна выключыўся адзін з рухавікоў. Перад гэтым у яго рэзка ўпалі абароты. У кабіне пілотаў адразу ж спрацавала сігналізацыя, якая апавяшчае пра няспраўнасць.

«Экіпаж падаў сігнал тэрміновасці Pan-Pan-Pan (паведамленне, якое перадаецца па радыёсувязі і азначае, што на борце ўзнікла няспраўнасць, якая патрабуе неадкладнай увагі, але не нясе пагрозы жыццю людзей або рызыкі страты паветранага судна. — Заўв. рэд.), пасля чаго працягнуў заход на пасадку — праз некалькі хвілін Boeing прызямліўся ў Маскве. Ніхто з пасажыраў не пацярпеў», — паведаміў SHOT.

У авіякампаніі «Победа» і ў аэрапорце Внукова пра інцыдэнт не паведамлялі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com