У вагоне менскага метро памёр чалавек

Міліцыя высвятляе асобу мужчыны, заўчасна памерлага ранкам 20 сакавіка ў менскім метро.

Пра гэта БелаПАН паведаміла прэс-афіцэр Фрунзенскага РУУС сталіцы Ала Галубовіч.

Трагедыя адбылася ў 5.30 20 сакавіка ў вагоне электрацягніка на станцыі «Кунцаўшчына» другой лініі метро. Па словах Алы Галубовіч, усталявана, што мужчына ва ўзросце прыкладна 70 гадоў памёр ад вострай сардэчнай недастатковасці.