Дырэктар Бярозаўскага камбіната: З-за санкцый працаўнікі не пацерпяць

Санкцыі Еўразвяза, накладзеныя на «Бярозаўскі камбінат сілікатных вырабаў», які належыць Юрыю Чыжу, не адаб'юцца на простых працаўніках.

«Думаю, што не. Але больш не задавайце пытанняў. Ёсць у мяне генеральны, хай вырашае ўсе гэтыя пытанні», - сказаў Віктар Грышчук карэспандэнту «Радыё Свабода».

Ад далейшых каментароў Грышчук адмовіўся.

Нагадаем, 23 сакавіка камбінат патрапіў у пералік кампаній, на якія накладзеныя санкцыі Еўразвяа.

Жыхарка Бярозы Валянціна, сын якой працуе на камбінаце, кажа, што санкцыі Еўразвяза мала хто абмяркоўвае, і без іх камбінат перажывае не лепшыя часы: «У яго даўгі выраслі да 50 мільярдаў. Калі Чыж яго купляў, было 3 мільярды прыбытку. І гэты завод мог самастойна выйсці на прыбытковы шлях. Але, нажаль, не атрымалася».