Нацбанк прызнаўся

Больш за палову прадпрыемстваў Беларусі нерэнтабельныя або нізкарэнтабельныя.

Нацбанк у новым выпуску аналітычнага агляду «Асноўныя тэндэнцыі ў эканоміцы і грашова-крэдытнай сферы Рэспублікі Беларусь» за студзень - люты 2012 года адзначае, што доля нерэнтабельных і нізкарэнтабельных прадпрыемстваў (з рэнтабельнасцю ад 0 да 5%) у студзені 2012 года склала 55,8 %.

Пры гэтым рэгулятар адзначае павелічэнне узроўняў рэнтабельнасці па ўсіх відах эканамічнай дзейнасці, за выключэннем прадпрыемстваў будаўніцтва.

У студзені 2012 года рэнтабельнымі (па ўзроўні рэнтабельнасці продажаў) былі 84,4% прадпрыемстваў, якія ўлічваюцца статыстыкай ў бягучым парадку.

У гандлі; рамонце аўтамабіляў, бытавых вырабаў і прадметаў асабістага карыстання яе велічыня склала 80%, у будаўніцтве - 67,5%, на прадпрыемствах транспарту і сувязі - 59,3%, у прамысловасці - 49,4%.

Таксама ў дакуменце прыводзіцца графік, які дэманструе долю нерэнтабельных і нізкарэнтабельных прадпрыемстваў у агульным ліку беларускіх кампаній на працягу года.