«Белтэлекам» губляе кадры

З 25 чэрвеня намеснік генеральнага дырэктара па камерцыйных пытаннях Аляксандр Карніенка пакінуў свой пост у сувязі з пераходам на іншую працу.

У кампетэнцыю Аляксандра Карніенкі ўваходзіла маркетынгавая сфера кампаніі, асноўныя напрамкі тарыфнай палітыкі, стратэгія продажаў, удасканаленне паслуг сувязі і іх прасоўванне, міжнародныя ўзаемаразлікі, праграмы сувязяў з грамадскасцю, а таксама іншыя напрамкі дзейнасці камерцыйнай дырэкцыі, піша IT.TUT.BY.

Аляксандр Карніенка прапрацаваў у «Белтэлекаме» менш за паўгады - з 20 лютага 2012 года.