Невядомы «замінаваў» Дом правасуддзя ў Менску
11- 26.09.2012, 10:01
Міліцыя шукае зламысніка, які паведаміў пра тое, што, нібыта ў Доме правасуддзя ў Менску закладзена выбуховае прыстасаванне.
«Невядомы патэлефанаваў па нумары 102 і паведаміў, што ў Доме правасуддзя ў Менску знаходзіцца выбуховая прылада», паведамілі агенцтву «Інтэрфакс-Захад» у сераду ў праваахоўных органах.
«Група размініравання, якая прыбыла на месца здарэння, выбуховага прыстасавання не выявіла, ідзе пошук чалавека, які паведаміў пра памылковую небяспеку», паведамілі ў праваахоўных органах.
У будынку Дома правасуддзя на вуліцы Сямашкі, 33 у Менску знаходзіцца некалькі раённых судоў.