Марскія дроны MAGURA V5 прычынілі Чарнаморскаму флоту РФ шкоду на $500 мільёнаў

Украіне ўдалося стварыць унікальны сродак паражэння варожага флоту.

Надводны дрон MAGURA V5 у руках аператараў Галоўнай управы выведкі Мінабароны Украіны - імаверна, найбольш эфектыўны знішчальнік Чарнаморскага флоту РФ за перыяд поўнамаштабнага ўварвання Расеі. Пра гэта 10 траўня заявіў прадстаўнік ГУР МА Украіны Андрэй Юсаў.

- Ужо цяпер на больш чым $500 млн Чарнаморскі флот агрэсара панёс страты ў выніку эфектыўных дзеянняў спецназаўцаў ГУР з выкарыстаннем дронаў MAGURA, - сказаў Юсаў.

На яго ацэнку, сакрэт украінскага марскога дрона MAGURA - у майстэрстве ўкраінскіх вытворцаў, якія змаглі стварыць «унікальны сродак паразы варожага флоту», а таксама ўзбраення і асабовага складу акупантаў.

Таксама выведнік адзначыў умелыя дзеянні аператараў спецпадраздзялення ГУР МО Group 13, якое займаецца ўдарамі па расейскіх караблях.

Адзначаецца, што MAGURA V5 - адно з апошніх папаўненняў флоту вайскова-марскіх беспілотнікаў Украіны, ён быў прадэманстраваны на выставе абароннай прамысловасці ў Стамбуле. Стваральнікі беспілотніка кажуць, што ён можа рухацца з хуткасцю да 77 км/гадзіну і несці карысную нагрузку да 320 кг.