Хто вінаваты ў дэвальвацыі? (Відэа)

Жыхары Баранавічаў пракаментавалі выказванні Лукашэнкі.

Беларускі кіраўнік ужо двойчы заявіў, што дэвальвацыю «робіць» народ. Аднак практычна ўсе апытаныя жыхары Баранавічаў упэўненыя, што звычайныя людзі не могуць быць вінаватымі ў дэвальвацыі, піша intex-press.by.

«Калі вы будзеце бегаць з раніцы да вечара па абменных пунктах і скупляць валюту, калі суб'екты гаспадарання і банкі будуць спаць і бачыц, што пройдзе дэвальвацыя, хтосьці на гэтым выйграе, будуць спараджацца чаканні, а нашы нягоднікі, «свядомыя», якія «плявузгаюць» языкамі ва ўсіх сродках масавай інфармацыі, народ будуць падаграваць, а вы будзеце іх слухаць і зноў бегчы ў абменнікі - бог вам у дарогу, значыць, вы самі прывядзеце да таго, што прыслабіце нацыянальную валюту», - сказаў Аляксандр Лукашэнка журналістам падчас Дажынак 28 верасня.

«Калі будзе дэвальвацыя - вы яе зробіце», - заявіў ён, наведваючы 8 кастрычніка БелАЗ.