Іспыт па кіраванні будуць здымаць на відэа
15- 17.10.2013, 10:34
- 12,964
З 2014 года пры прыёме іспыту па кіраванні будзе весціся відэафіксацыя.
З 1 студзеня наступнага года экзаменатар з ДАІ зможа фіксаваць працэс здачы практычнага іспыту на відэа. Як лічаць у МУС, гэта дазволіць пазбегнуць спрэчных сітуацый, піша onliner.by.
Перад пачаткам прыёму практычнага іспыту кожны курсант павінен быць пастаўлены ў вядомасць аб правядзенні відэафіксацыі. Гэта зроблена ў сувязі з паступаючымі скаргамі ад экзаменуемых. Некаторыя лічаць, што ў дачыненні да іх былі неаб'ектыўныя. Падчас апеляцый лепшым аргументам будзе відэазапіс, палічылі ў МУС.
- Падчас разгляду апеляцыі будзе падняты відэазапіс іспыту. Затым будзе вырашацца, пакінуць вынік ранейшым ці змяніць адзнаку, - сказана ў паведамленні.
Зрэшты, у курсанта застаецца права адмовіцца ад відэаздымкі. Для гэтага ён павінен напісаць зварот на імя старшыні іспытнай камісіі. Аднак прымаюцца толькі матываваныя звароты.
Змены і дапаўненні ў інструкцыю аб парадку прыёму кваліфікацыйных іспытаў на права кіравання механічным транспартным сродкам унесеныя пастановай Міністэрства ўнутраных спраў Рэспублікі Беларусь ад 27 чэрвеня 2013 года №278.