ДАІ ўзмоцніць кантроль за аўташколамі

Дзяржаўтаінспекцыя Менска ўзмоцніць кантроль за ходам практычнага навучання ваджэнню ў аўташколах.

Пра гэта паведаміла ў панядзелак кіраўнік прэс-службы ДАІ Менска Таццяна Харлінская, перадае «Інтэрфакс».

«Падчас рэйдаў інспектары ДАІ ўзмоцняць кантроль за ходам практычнага навучання ваджэнню ў аўташколах, а таксама выкананнем інструктарамі па ваджэнні Правілаў дарожнага руху», - адзначыла яна.

Па словах Таццяны Харлінскай, «пры правядзенні падобных рэйдаў у мінулым годзе было выяўлена больш за 450 розных парушэнняў. У асноўным гэта парушэнні правілаў эксплуатацыі аўтамабіляў, адхіленне ад маршруту, няпройдзены тэхагляд».

«У цяперашні час у Менску працуе 65 аўташкол. Ад таго, як арганізаваны працэс навучання, залежыць узровень падрыхтоўкі будучых кіроўцаў. Як паказвае статыстыка, 69 адсоткаў выпускнікоў аўташкол не здаюць «на правы» з першага разу», - паведаміла яна.