У небе над Ісландыяй пранеслася НЛА (Відэа)
19- 23.10.2013, 10:31
- 33,496
Насельнікі ісландскага гарадка Акюрэйры перапалохаліся пасля таго, як мясцоваму жыхару Б’яркі Мікельсону ўдалося зняць на камеру самае сапраўднае НЛА.
Неапазнаны аб'ект жоўтым выбліскам спусціўся з нябёсаў і паваліўся дзесьці ў межах гарадской рысы. Што гэта было, невядома, паведамляе Huffington Post.
Б’яркі Мікельсон стаяў на адной з назіральных пляцовак горада, як раптам заўважыў, што ў небе з'явілася «дадатковае сонца», якое пачало павольна падаць на зямлю. На шчасце, у мужчыны была з сабой камера, і ён змог зняць тое, што адбывалася. Пасля таго, як жыхар Ісландыі выклаў ролік ў Інтэрнэт, увесь Акюрэйры літаральна стаў на вушы. А разам з імі і ўвесь свет, перадаюць «Вести».
Загадкавыя кадры былі перададзеныя ў рукі ісландскім уфолагам, якія, запаволіўшы відэа, выклалі яго на YouTube. Яны выказалі здагадку, што аператар прыняў за НЛА кіраваны лятальны апарат. Іх ўлады выкарыстоўваюць разам з камерамі вулічнага назірання. Зрэшты, сцвярджаць гэта напэўна эксперты не бяруцца.